طريقه عمل توقيع للمبتدئين في الفوتوشوب

السلام عليكم

درس للمبتدئين في الفوتوشوب (او اللي ابد ما عندهم فكره في هذا البرنامج)

بعطيكم فكره سريعه عن كيفيه ابتكار توقيع خاص فيكم

اول شي طبعا لازم يكون عندكم برنامج فوتوشوب (اي نسخه مب مشكله) اللي عندي حاليا هو فوتوشوب 8 و هو اللي بطبق فيه هذا الدرس

لتحميل البرنامج اضغط على هذا الينك و اضغط على السهم اللي نازل على تحت في الجهه اليسار من الصفحه

http://www.moon15.com/index.php?action=file&id=1686

و لما ينزل البرنامج اخرجه من الضغط

كلمة مرور فك الضغط للبرنامج = moon15.com

(تم تعديل رابط البرنامج ^_^)

1- نفتح برنامج الفوتوشوب
2- بتلاحظون وجود عده صناديق عمل منها (اهمها) هذي الصناديق (عادة اول ما تدخلون البرنامج بتلقونهم في وجهكم )



اهم الادوات اللي راح نستخدمها في هذا الدرس هم:

اداة التحديد (المستطيل)




اداة التحريك تستخدم سواء للصوره او للكتابه





اداة الدلو (سطل الالوان) نستخدمه لتلوين المساحات




في هالمربعين نختار اللون اللي نبغي نلون فيه المساحات بواسطه الدلو
نضغط على المربع اللي فوق و نختار اللون من الالوان الموجوده
المربع اللي تحت ما بنستخدمه حاليا




اخر اداه هي ادا الكتابه


من الصناديق المهمه للعمل هي


الصندوق اللي فوق هو صندوق التاريخ (history) و فيه ممكن نرجع بالخطوات اللي عملناها اذا ما عجبتنا النتيجه
والصندوق اللي تحت هو صندوق الشرائح (layers) و هنا نتحكم بكل شريحه عمل على حده

اوكي

الحين بحط لكم طريقه عمل التوقيع بشكل بسيط

السلام عليكم

نتابع الدرس في عمل التوقيع البسيط
الخطوة الاولى:
بعد ما دخلنا على البرنامج
نروح على
File > New

اللي عندهم البرنامج بالعربي
ملف> جديد



بتظهر لنا هالصفحه
اختاروا فيها مساحه التوقيع اللي تبغونها


انا اخترت التالي
رقم 1 = width= العرض =400
رقم 2= height= الطول = 250

رقم3= color mode= نوعيه التلوين=RGB color
رقم 4= background contents= الخلفيه= transparent <<< اعتقد بتكون بالعربي شفاف او بدون لون

و نضغط على ok

بتظهر لنا صفحه عليها مربعات بيضا و رماديه <<< ما بتظهر في التصميم النهائي ابدا


الخطوه الثانيه
نروح على شريط الادوات و نختار اداة التحديد (المستطيل) كما في الصورة



نرسم شكل التوقيع بالكبر اللي نبغيه سواء مربع او مستطيل بس حاولوا تخلونه في وسط صفحه العمل
كما في الصورة


الخطوة الثالثه:

1-نختار اداة الدلو
2-ننضغط على مربعات الالوان (المربع اللي فوق)


3- بيظهر لنا مربع فيه الوان كثيره ... نغير اللون للون خلفيه التوقيع اللي نبغيها مثلا انا اخترت اللون الوردي فاتح


و باداه السطل (الدلو ) نلون المستطيل (او المربع) المنقط
بيصير عندنا الشكل التالي



الخطوه الرابعه

نفتح شريحه جديده من صندوق الشرائح (layers) كم في الشكل التالي



(فتح الشريحه مهم علشان نضع عليه صورة للتوقيع و مهم علشان اذا ما عجبنا شي في الصورة نحذف الشريحه بس و مب العمل كله يروح في الزباله اكرمكم الله)

بغيت احط صورة (بنت مثلا) في التوقيع فنروح على
File> open
بالعربي
ملف> فتح
و نختار الصورة اللي نبغي نحطها في التوقيع

انا اخترت الصورة التاليه


بتظهر لكم الصوره في صفحه غير عن صفحه التوقيع فننقلها لصفحه التوقيع بعمل التالي
1- نروح على اداة التحديد (المستطيل) و نحدد الصوره او جزء منها
2- نروح على اداه التحريك و نسحب الصوره من صفحتها لصفحه التوقيع (نضغط عليها و نسحب و نتركها في صفحه التوقيع)
3- نغير حجم الصورة لتناسب توقيعنا بواسطه ادا التحريك .... و المربعات الصغيره اللي تظهر حوالي الصوره

بيطلع في النهايه شكل مثل هذا




تعبتوا و لا بعدكم؟؟؟؟

هههههه

فاصل اعلاني



روحوا ريحوا و حركوا ريولكم و ايدكم و ارجعوا يلسوا على الكرسي

ههههههه

السلام عليكم

اللي ما تظهر لهم علامة الدلو

روحوا على شريط الادوات بتلاحظون وجود علامه مربع و عليه تدرج رمادي اضغطوا عليه مره بيظهر لكم خيارين اختاروا الدلو منهم

كما في الشكل التالي



اتمنى اكون افدتكم